Fáa ikki ágóðarnar av náttúrustovni, tá hann gerst byggipláss

- Gransking vísir, at børn fáa nógvar ágóðar av at vera nógv í náttúrini, men teir ágóðanir fáa tey í nógv minni mun, um lastbilar koyra framvið í heilum, tað sigur Ketty F. á Fríðriksmørk, námslektari á Fróðskaparsetrinum. 

Spírin í Havnadali er einasti náttúrustovnurin í Tórshavnar Kommunu. Har koma børnini  í frítíðarskúlanum út úr býnum og spæla og virka í náttúruni. Tey fáast millum annað við seyð og hønur. Men nú eru tey nógv merkt av byggirverkseminum hjá Føroya ríðingarfelag og 40 ferðir um dagin koyrir ein lastbilur við fullari last framvið har børnini spæla.