Eurovision 2025: "Úrslitið av fyrru hálvfinaluni gevur vón fyri Sissal"

Til fyrru Eurovision-hálvufinaluna sluppu lond sum Ísland í finaluna, ið tað annars ikki var roknað við, og gevur vón fyri Sissal Jóhonna, halda danskir serfrøðingar

Eurosong.dk

Carsten Nilsson og Morten Madsen frá donsku Eurovision-fjeppararsíðuni Eurosong.dk eru varsiliga bjartskygdir um møguleikarnar hjá Sissal Jóhonnu at syngja seg í finaluna

Uni L. Hansen

14.05.2025 - 14:21

Morten Madsen og Carsten Nilsson hava stóru donsku Eurovison-fjepparasíðuna Eurosong.dk.

Teir hava verið til hópin av Eurovison-sangkappingum millum ár og dag, og framleiða eisini nógv tilfar um Eurovision og Melodi Grand Prix restina av árinum.

Tískil mugu teir báðir roknast sum serfrøðingar á økinum.

Nógv óvæntað úrslit

Hóast veddingarfyritøkur ikki geva Sissal Jóhonnu stórar vónir um at sleppa í Eurovision-finaluna, so gevur úrslitið av fyrru hálvfinaluni hálvfinaluni vón fyri Sissal.

"Tað hendi tað, at fleiri lond, ið eingin tippaði fór at koma í Eurovison-finaluna, komu tað, og tað gevur okkum vón um, at Sissal kann gera tað sama," halda teir báðir Eurovision-fjeppararnir.

Morten Madsen og Carsten Nilsson royna tó ikki at káva útyvir, at tað fer at ríða um snarið hjá Sissal at røkka finaluplássinum.

"Tað verður trupult, men vit eru varsiliga bjartskygdir," siga teir.