Tyrlubjargingar á sumri

Hesa ársins tíð draga fjøllini fólk at sær. Men støður kunnu koma fyri, at bæði fólk í landinum og ferðafólk koma illa fyri á einum fjalltúri.

Í Sørvági er ein manning hjá Atlantsflogi til reiðar við tyrluni alt samdøgrið til tess at taka sær av leiting og bjarging á sjógvi og landi, umframt sjúkraflutning.

Manningin hjá Atlantsflogi, sum hevur venjingar hvørja viku, hevði í dag tvær venjingar. Vit vóru við, tá teir høvdu venjing við tyrluni í dag.

Tað er MRCC, sum er undir Vørn, sum ger av, nær tyrlan verður boðsend í sambandi við leiting og bjarging.