Rutt: Eg legði eitt sindur ov hart út

 - Tað var ræðuliga strævið og heitt. Eg legði kanska eitt sindur for hart út, men stuttligt kortini.

Tað segði Rutt Gregersen, sum rann á oyggjaleikum fyri fyrstu ferð. Hon endaði á 10. plássi í 10.000 metur renningini á Picky-leikvøllinum í Kirkwall sunnudagin, og var ikki heilt nøgd við tíðina 39.26.13 minuttir.

 - Eg ætlaði mær skjótari. Eg havi runnið skjótari fyrr á vegi í Føroyum, men eftir umstøðunum eri eg nøgd, segði rennarin, sum byrjaði at venja av álvara í heyst.

Hon skal eisini renna 5000 metrar. Tað ger hon mikudagin.