Meir gull til compound-skjúttarnar

Jóannes Poulsen og Anja Eydnudóttir vunnu head to head liðkappingina fyri blandað pør og tryggjaðu sær, at góða gongdin hjá bogaskjúttunumá Orknoyggjum heldur fram.

Tey bæði vunnu finaluna ímóti Jersey við 136 stigum ímóti 131, hóast tað sá eitt sindur svart út, tá eitt umfar var eftir. Tá var Jersey frammanfyri við einum, men í síðsta umfari vendi alt, tá kanaloyggin kiksaði ov nógv.

 - Tað var hart at skjóta finaluna. Tað var skiftandi vindur allatíðina, kastivindur, og tað sá mann eisini síðstu runduna. Eg skeyt tveir vánaligar pílar, men tað gekk eisini útyvir hini, tí hon fekk ein missara, og tað gjørdi, at vit komu framum.

Hetta var sætta gullið hjá bogaskjóting. Recurve-liðið rakk ikki longur enn til fjórðingsfinaluna í dag.