Tyngri og tyngri fyri hvørjar oyggjaleikir

Helgi Winther Olsen hevur luttikið á nógvum oyggjaleikum fyri Føroyar. Men hann ásannar, at aldurin er farin at merkjast, tá hann pumpar á pedalurunar á kringluttu fjallasúkklubreytini.  

- Tað verður tyngri og tyngri fyri hvørjar oyggjaleikir, staðfestir havnamaðurin, eftir at hann hevur kempað í áleið trý korter á fjallasúkkluni.  

Men hann var væl nøgdur, tá hann kom á mál, sum tann fyrri av tveimum føroyingum í kappingini. Helgi og liðfelagin, Hilmar Hansen, eru samdir um, at fjallasúkklubreytin ikki var til teirra fyrimun.