Søla av sproytum á apotekum í Havn økt

Á apotekinum ber til at ogna sær eitt fiksi-sett: ein pakki við tveimum kanylum, einari sproytu, einum sprittlappa, bikari, vætu og vatti.

Endamálið við vøruni er, at fólk ið brúka sproytu at rúsa seg við, kunnu gera tað sterilt og trygt.

Sølan av hesari vøruni er av álvara økt seinastu árini:

- Um eg sigi, at sølan er økt einar tíggju ferðir seinastu fimm árini, so er tað á einari góðari leið.

Tað sigur Beinta Joensen, deildarleiðari á Tjaldurs apoteki, sum leggur afturat, at tað er serliga seinastu tvey-trý árini, og at gongdin av álvara sæst í apotekinum í Steinatúni.

Gongdin á apotekinum samsvarar við tað, ið eisini sæst á Herberginum og Landssjúkrahúsinum, sum vit frættu um í Degi og viku týskvøldið: Sí innslag