Krossarnir settir

Kirkjuráðsvalið er í dag, og kósin hjá kirkjuráðunum næstu fýra árini skal setast.

Í Gøtu var valluttøkan seinasta val 45 prosent, sum var hin besta í landinum.

Og hetta fer at endurtaka seg í ár, væntar Dagbjørt Ólavsdóttir Hansen, forkvinna í kirkjuráðnum í Gøtu, sum hevur gjørt av, at ikki stilla upp aftur.

Á Skála og í Leirvík var valluttøkan serliga góð seinasta val, har 40 prosent av teimum, sum hava valrætt, greiddu atkvøðu í báðum førum.

226 stilla upp til kirkjuráðsvalið í ár, harav 115 kvinnur og 111 menn.