Hakin settur í fyri nýggju kirkjuni á Glyvrum

Í dag var hátíðardagur á Glyvrum, tá hakin varð settur í fyri nýggju kirkjuni á Glyvrum.

Tað var fyrrverandi kirkjuráðsformaðurin Hans Jacob Lamhauge úr Lamba, sum loysti fyrsta flagið.

Nýggja kirkjan verður eisini søgulig, tí hetta verður fyrsta kirkja, ið verður bygd eftir at fólkakirkjan í 2007 gjørdist føroyskt málsøki. 

Kirkjan verður 1.140 fermetrar til støddar og fer at hava góð 700 sitipláss.

Kirkjan fer at kosta umleið 100 milliónir krónur. Kirkjuráðið stendur fyri einum triðingi, próvstadømisráðið skal rinda ein triðing og landið seinasta triðingin. 

Mett verður, at tað fer at taka tvey ár at byggja nýggju kirkjuna á Glyvrum.