Rannvá: Meir av tí sama ímóti Spania

Vit skulu vænta okkum meir av tí sama, tá Føroyar fara á vøllin ímóti Spania í øðrum HM-dystinum. Tað sigur vinstri vongurin Rannvá Olsen.

Tá hon sigur meir av tí sama, vísir hon ikki til teir nógvu misnýttu kjansirnar ímóti Montenegro mikukvøldið, men heldur spæliætlanin, sum føroyingarnir hildu eydnaðist væl.

 - Vit fara helst at koyra tað sama, sum vit plaga. Skjótt spæl, skjótt fram og líknandi. Tær minna eitt sindur um Montenegro, rættuliga tungar. Hesar strikurnar eru uppaftur størri, sigur Rannvá OIsen. 

Vongurin kom væl frá byrjan ímóti Montenegro og skoraði upp á báðar skotroyndirnar fyri steðgin, men í seinna hálvleiki fekk hon bert eitt skot av trimum innum M ontenegro-málverjan.

 - Tá eg skori, eri eg sjálvandi glað, men tá eg brenni, royni eg sjálvandi at gloyma tað burtur og vera klár, um eg fái kjansin aftur, sigur Rannvá Olsen.