- Ger nú bara tað sum tú dugir

Tað var ein einfaldur setningur, sum mól í høvdinum á Rakul Wardum ígjøgnum seinna hálvleik av søguliga HM-sigrinum á Spania fríggjakvøldið.

 - Ger nú bara tað, sum tú veitst, at tú dugir. Tað segði málverjin stutt eftir dystin í Trier.

Tað gjørdi hon so í ólukkumát eisini. Eftir ein lakan fyrra hálvleik, har hon ikki bjargaði stórvegis, og eisini kostaði okkurt mál við óneyvum útkastum, var hon ein sannur múrur eftir steðgin.

Hon bjargaði 39 prosentum av skotunum, men talið man vera munandi hægri, um hugt verður at seinna hálvleiki fyri seg.

 - Tað var ein russjibani, tí eg byrjaði rættiliga illa í fyrra hálvleiki, tá eg ikki hevði teir bóltarnar, sum eg skuldi hava, segði Rakul Wardum.

 - So eg fór inn (í seinna hálvleiki, blaðm.) og gjørdi basis... men eg haldi, at eg fann meg sjálva aftur, segði málverjin, sum sjáldan man hava spælt ein so góðan einstakan hálvleik.