120 ára gamla krambúðin í Vestmanna er endurreist

Lív var í krambúðini hjá abbanum, tá brøðurnir Bjarki og Sigbjørn Skúvadal plagdu at leggja vegin framvið sum ungir dreingir.

Góð tretivu ár eru liðin, síðani handilin lat aftur, men nú er krambúðin endurreist, og verður víst fram júst soleiðis, sum hon sá út í fimti- og sekstiárunum.

- Tá ið vit vóru yngri hildu vit, at handilin skuldi gerast tíðarhóskandi, men tað bleiv ikki til nakað. Tíbetur, siga vit í dag, sigur Bjarki Skúvadal.

Vestmanna kommuna, sum hevur staðið fyri arbeiðnum at lata handilin upp aftur, hevur roynt at hildið seg so tætt upp at upprundastandinum sum gjørligt, og spyrt tú beiggjarnar hevur hetta eydnast væl.

Krambúðin hevur opið eftir avtalu við kommununa.