Vaktarskifti hjá Ítróttasambandinum

Um vikuskiftið tók Marita Debess Magnussen alment við sum aðalskrivari hjá Ítróttasambandi Føroya, og Petur Mittún takkaði fyri seg.

Marita Debess Magnussen hevur annars verið í starvinum síðan í mai. 

Petur Mittún hevur hjálpt til í skiftistíðini. Hann var fyrsti aðalskrivarin hjá ÍSF og røkti starvið í níggju ár. Tíðarskeiðið hann stóð á odda fyri umsitingini hjá ÍSF hava millum annað strategi, ítróttafagnaður, ítróttating og skúlaleikir sæð dagsins ljós.

Persónliga er hann glaður fyri nýggju úrvalsskipanina og tað, at tað eydnaðist at fáa oyggjaleikirnar aftur til Føroya.

Marita Debess Magnussen hevur nú sitið í nýggja starvinum í nakrar mánaðir, og nógv er at gera í alsamt skiftandi føroyska ítróttaheiminum. Millum stóru avbjóðingarnar eru oyggjaleikirnir næsta summar og royndin hjá Føroyum at fáa limaskap í altjóða olympisku nevndini IOC.

3-2 tosaði við Maritu Debess Magnussen og Petur Mittún í samband við móttøku hjá ÍSF.