152 milliónir afturat til útbyggingina

Uppskotið er at broyta verklagslógina, so útbyggingin kostar 805 milliónir krónur og ikki 652,6 milliónir, sum lógin sigur nú. Eisini er upppskot um at leingja verklagslógina eitt ár, til 31. desember 2024.

Uppskotið um dátuverndarlóg er eisini á skránni hjá tinginum í dag. Fyrsti skrivligi fyrispurningurin í hesari tingsetuni kom í gjár.

Johan Dahl spyr Kaj Leo Holm Johannesen, landsstýrismann, hvørjar politiskar og løgfrøðiligar grundgevingar, hann hevur  fyri at krevja pengar til Heilsutrygd frá útisiglarum, sum eisini skulu gjalda til Folketrygd í Noregi.

Løgtingið skal í dag atkvøða, um fyrispurningurin skal svarast. Tingfundurin í dag er klokkan 11.