Biðja um tilboð at byggja autismuheim

Almannamálaráðið og Landsverk biðja nú um tilboð uppá at byggja heim fyri børn og ung við autismu.

Byggjast skal í Kvíggjartúni á Argjum.

Bruttovíddin á bygninginum er 1.192 fermetrar, og grundøkið er 7.600 fermetrar.

Freistin at bjóða er til 6.februar, tá tilboðini verða latin upp.

Vinnarin verður kunngjørdur 16.mars.

Heimið er upprunaliga mett at kosta 29 mió. kr. 

Men í desember í fjør boðaði Almannamálaráðið Fíggjarnevndini frá, at kostnaðurin møguliga verður størri enn heimildin í lógini.