Bakkafrost hevði 800 mió. kr. í avlopi í fjør

Bakkafrost hevði góðar 800 milliónir krónur í netto-avlopi í fjør. 

Tað stendur í ársfrágreiðingin hjá Bakkafrosti.

Umsetningurin var hálvfimta milliard krónur, og Bakkafrost rindaði umleið 200 milliónir krónur í skatti.

Stóra avlopið verður gott íkast hjá partaeigarunum í Bakkafrosti. Nevndin mælir til, at felagið rindar 8,31 krónur í vinningsbýti fyri hvørt partabrævið.

491,5 mió. kr. tilsamans

Tað merkir, at samlaða vinningsbýtið, sum nevndin mælir til at rinda, er 491,5 milliónir krónur.

Tað er eitt vet meira enn í fjør, tá Bakkafrost rindaði 403 milliónir krónur í vinningsbýti.

Vinningsbýtið skal góðkennast á aðalfundinum, sum verður 3. apríl.