Fýra fólk staðfest við korona

Tað eru nú í alt 159 føroyingar, ið hava fingið staðfest koronasmittuna. Hetta byggir á í alt 3.637 kanningarúrslit. Tað upplýsir Landslæknin í morgun, nú seinastu kanningarúrslitini eru tøk.

Sostatt eru fýra persónar staðfestir smittaðir afturat seinasta samdøgrið. Tilsamans eru 70 føroyingar staðfestir frískir, eftir at hava fingið staðfest koronasmittuna.

Seinasta samdøgrið eru sostatt seks føroyingar afturat staðfestir frískir. Ein persónur er innlagdur á Sjúkrahúsverki Føroya í sambandi við koronasmittuna.