Umhvørvisstovan góðkent vatnorkuverk í Svínoy

Mikrovatnorkuverkið, sum sp/f Tróndargjógv ætlar at gera í Svínoynni, hevur fingið umhvørvisárinsmeting sína góðkenda í Umhvørvisstovuni.

Ætlanin er at taka vatn úr Stórá og Norðdalsá og vinna streym úr tí. Við fullari framleiðslu brúkar vatnorkuverkið 48 litrar um sekundið.

Sambært smápartafelagnum verður alt vatnið í áunum ongantíð tikið. Og hvørjumegin byrgingina vera løkir, har síl kunnu ferðast.

Umhvørvisárinsmetingin varð løgd til almenna hoyring 21.februar. Umhvørvisstovan fekk ongar viðmerkingar um hana.

Avgerðin um at góðkenna umhvørvisárinsmetingina kann kærast til Umhvørvis- og Vinnumálaráðið í seinasta lagi 23. apríl.