COVID-19: Tríggjar verkætlanir fingið stuðul

Verkætlanirnar eru um smittutøl og sjúkueyðkenni hjá føroyskum koronasjúklingum, og um lutin hjá serfrøðingum og myndugleikum og um undirvísingina í fólkaskúlaleiðslunum.

Sløk hálv millión er latin til at kanna smittutøl, sjúkueyðkenni og andevni hjá koronasjúklingum í Føroyum. Shahin Gaïni er verkætlanarleiðari.

Verkætlanin "Luturin hjá serfrøðingum og myndugleikum í einari kreppustøðu" hevur fingið góðar 90.000 krónur. Verkætlanarleiðari har er Heini í Skorini.

Fimm fyritøkur stuðla granskingini

Luturin og týdningurin, sum stuðlandi leiðsla hjá lærarum í fólkaskúlanum hevur í hesi COVID-19 tíð, hevur fingið góðar 80.000 krónur í granskingarstuðli.

Her er Kalpana Vijayavarathan verkætlanarleiðari. Stuðulin til COVID-19 granskingina kemur úr Granskingargrunninum og Sjúkrakassagrunninum.

Og fimm fyritøkur hava higartil játtað tvær milliónir krónur til granskingina, og Granskingarnevndin hevur latið eina millión.