Flaggdagsrenningin avlýst

Flaggdagsrenningin, sum Bragdið og sclerosufelagið skuldu skipað fyri í felag, flaggdagin 25. apríl er avlýst. Tað boðar Bragdið frá á heimsíðu sínari. Orsøkin er koronavirusið og tilmælini frá heilsumyndugleikunum.

– Vit vóru annars spent upp á hetta samstarvið, sum byrjaði í fjør og fekk sera góða undirtøku, stendur í fráboðanini.

Sclerosufelagið gjørdi nógv burturúr renningini í fjør, og fekk fitt av peningi inn, sum fór til gransking og stuðul til sclerosusjúk og onnur tiltøk, ið skulu betra um hjá teimum við sclerosu.