Báðir tunlarnir seks milliónir í avlopi í fjør

Bæði Vágatunnilin og Norðoyatunnilin høvdu avlop í rakstrinum í fjør.

Úrslitið hjá P.f. Vágatunlinum var 3,2 milliónir kr. og hjá partafelagnum Norðoyatunlinum 3,1 millión kr.

Umsetningurin í Vágatunlinum var 13,4 milliónir kr. í fjør. Í Norðoyatunlinum var umsetningurin 17,7 milliónir kr.

952.300 akfør koyrdu í Vágatunlinum í fjør, 55.436 fleiri enn árið fyri. Tað svarar til, at 2.609 akfør koyrdu í tunlinum um samdøgrið í fjør. Vøksturin er góð seks prosent. 

1,4 milliónir akfør í Norðoyatunlinum

Ein millión 308.519 akfør koyrdu í Norðoyatunlinum í fjør. Vøksturin er 6,2 prosent, samanborið við árið fyri. Tað svarar til, at 3.585 akfør koyrdu í Norðoyatunlinum um samdøgrið í 2019.

Í nevndini fyri Vágatunnilin sita Dánjal T. Thomsen, sum er næstformaður, og Gunnvá á Lofti.

Í nevndini fyri Norðoyatunnilin siga Heri M. Hammer, næstformaður, og Jóhanna á Bergi.

Jens Kári Vilhelm er formaður í báðum nevndunum.