Døpur útlit fyri gistingarhúsvinnuna

Og bruttotjóðarúrtøkan í Føroyum minkar kanska heilt upp í 800 milliónir krónur. Tað eru døpru niðurstøðurnar í einari greining, sum Deloitte hevur gjørt fyri Betri banka.

Niðurstøðurnar eru, at gistingarnar á gistingarhúsunum minka 80 til 90 prosent, og BTÚ minkar 400 til 800 milliónir krónur.

Støðugur vøkstur síðstu sjey árini

Føroyska ferðavinnan hevur hesi síðstu sjey árini havt ein árligan vøkstur í inntøkunum frá útlendskum ferðafólkum á 10 prosent. 

Í 2019 vóru inntøkurnar frá innkomandi ferðavinnuni 784 milliónir krónur. Áðrenn korona kom, vóru útlitini, at umsetningurin fór at økjast til 1,5 milliardir krónur í 2025. Tá, í 2025, høvdu ársverkini verið 1.350, sigur Deloitte.

Fyritøkan sigur eisini, at samanbornir við onnur Norðurlond, eru føroyskir hjálparpakkarnir lítlir. Óvist er, um hjálparpakkarnir er nóg góðir til at tryggja, at ferðavinnan kemur fíggjarliga fyri seg aftur eftir koronu.