Fer at kanna lógina um dagpengar

Landsstýriskvinnan í almannamálum fer at kanna lógina um dagpengar í næstu tingsetu.

Tí tekur meirilutin í Trivnaðarnevndini hjá løgtinginum ikki undir við tveimum uppskotum hjá Javnaðarflokkinum um dagpengar.

Annað uppskotið sigur, at fólkapensjónistar, sum eru á arbeiðsmarknaðinum, varðveita rættin til dagpengar.

Hitt uppskotið er, at langtíðarsjúk hava rætt til at vera í dagpeningaskipanini longur enn 40 vikur.