- Tíðindi, mentan og ítróttur
Venjarin hjá kvinnulandsliðnum í hondbólti givin
![](https://kvf.fo/sites/default/files/styles/grein-ovasta-mynd/public/agust_mynd.jpg?itok=kgBUwPkE)
Hondbóltssamband Føroya og venjarin hjá kvinnulandsliðnum, Ágúst Jóhannsson, eru komin ásamt um at enda samstarvið. Korona-støðan hevur gjørt tað trupult hjá venjaranum at vera um landsliðið nú fyrireikingarnar til komandi HM-undankappingina skulu byrja í summar. Saman við Ágústi fer Sophus Dal Christiansen, hjálparvenjari, eisini úr starvi.
Tað skrivar Hondbóltssambandið.
Nøgd við gongdina
Hondbóltssambandið sigur, at tey eru nøgd við gongdina undir Ágústið Jóhannsson, og ongar ítróttarligar grundir eru til, at samstarvið endar. Millum annað eydnaðist liðnum at vinna ein HM-undandyst móti Litava.
HSF fer nú undir at seta nýggjar venjarar og sigur, at tørvur er á einum venjara, sum skal vera búsitandi í Føroyum.