Eingi valevni kunngjørd men veljast kann kortini

Hóast eingin listi er kunngjørdur enn, ber longu til velja á kommunuvalinum, sum verður týsdagin 10.november.

Tey, sum ikki kunnu vera á valstaðnum 10.november, kunnu longu nú velja við brævi, sigur Umhvørvis- og Vinnumálaráðið.

Møguleikin at senda brævatkvøðu kom í gildi fríggjadagin.

Í øðrum førum kann atkvøðuseðilin fyllast út í fyrsta lagi eina viku fyri valdagin, tað er frá týsdegnum 3.november.