Føroyskar fyritøkur skulu útbyggja Bakkafrost

Tað verða í høvuðsheitum føroyskir veitarar, sum fara at útbyggja smoltstøðina hjá Bakkafrosti á Norðtoftum. Útbyggingin verður væntandi liðug um tvey ár. 

Tá fer støðin at gera fimm milliónir smolt um árið. Hvørt smoltið verður 500 gramm. Í mai varð kunngjørt, at smoltstøðin á Norðtoftum skal byggjast út.

12.000 rúmmetrar koma afturat, so støðin verður 18.000 rúmmetrar. Í nýggju smoltstøðini verða tvær hallir, og fýra kør verða í hvørjari høll.