Torført at fáa avloysara fyri landslæknan

Koronusmittan breiðir seg í Danmark, og í gjár vórðu 91 nýggir tilburðir staðfestir.  Ein koronusjúklingur doyði í gjár.

Henda støðan hevur við sær, at tað er torført fáa avloysara fyri landslæknan í Føroyum, Lars Fodgaard Møller, sum fer í summarfrí mánadagin.

Lars Fodgaard Møller er staddur í Danmark í løtuni.

Hann sigur við Kringvarpið, at hann er til reiðar at bróta frítíðina av og koma aftur til Føroya, gerst tað neyðugt.

Hóast hann er í summarfrí, fer Lars Fodgaard Møller at taka sær av at smittuspora fólk í sambandi við koronu saman við teimum, sum starvast hjá landslæknanum.