ALS: Útgjaldið hækkar og inngjaldið lækkar

Útgjaldið hjá Als hækkar og inngjaldið lækkar.

Eitt uppskot um tað er á veg í løgtingið.

Landsstýrið ætlar, at útgaldið hækkar úr 17.500 krónum upp í 18.500 krónur um mánaðin. Útgjaldsprosentið hækkar úr 75 upp í 80.

Og inngjaldið skal lækka úr 1,25 prosentum, sum tað hevur verið síðani 2012, niður í eitt prosent. Tað verður gjørt við kunngerð.

Ætlanin er eisini at broyta lógina um Als, so Als er í samsvari við norðurlendska sáttmálan um almannatrygd.

Stýrið biðið um broytingina

Stýrið fyri Als hevur biðið um, at útgjaldið hækkar og inngjaldið lækkar.

Við árslok í fjør var eginognin hjá Als 910 mió. kr.

Mett verður, at lækkaða inngjaldið fer at gera, at Als, sum í ár fær 255 mió. kr., fær 200 milliónir næsta ár.

Og skotið er upp at leggja kærunevndirnar hjá Arbeiðsloysisskipanini og Barsilsskipanini saman í eina kærunevnd.