Kongurin skurðviðgjørdur í hjartanum

Haraldur kongur í Noregi varð skurðviðgjørdur í hjartanum í morgun.

Tað skrivar norska kringvarpið.

Bjørn Bendz, lækni hjá norska konginum, sigur, at Haraldur kongur, hevur tað gott eftir skurðviðgerðina, men kongurin liggur framvegis á intensivari deild.

Haraldur kongur varð lagdur inn á sjúkrahús í gjár, tá hann hevði ilt við at draga andan.

Kongurin varð eisini skurðviðgjørdur í hjartanum í 2015, tá hann fekk eina hjartaloku.  Í morgun var ein nýggj hjartaloka sett í.