- Tíðindi, mentan og ítróttur
Fíggingargrunnurin fer í søguna
Fíggingargrunnurin fer í søguna
Landið fer nú beinleiðis at eiga partabrøvini í BankNordik
![](https://kvf.fo/sites/default/files/styles/grein-ovasta-mynd/public/jorgen1_1.png?itok=4x6PmzY5)
Jørgen Niclasen, landsstýrismaður í fíggjarmálum, hevur sagt, at nú verður kannað, um partabrøvini, sum landið eigur í BankNordik, skulu seljast
23.12.2020 - 08:57
Fíggingargrunnurin frá 1992, sum umsitur partapeningin hjá landinum í BankNordik, verður nú strikaður.
Grunnurin er farin í sjálvbodna likvidatión, og nevndin er farin frá.
Í seinastu nevndini hjá Fíggingargrunninum vóru Katrin Thorsvig Hansen, Arne Poulsen, Atli Suni Leo, Eli Christiansen og Helga á Borg.
Eli Christiansen var formaður.
Kanna sølu
Jørgen Niclasen, landsstýrismaður, segði longu í september, at Fíggingargrunnurin skuldi takast av.
Landið skal síðani beinleiðis eiga partabrøvini í BankNordik. Landið eigur ein triðing í BankNordik.
Men um partabrøvini verða seld, hevur landsstýrið ikki avgjørt enn. Hetta verður kannað nú, segði Jørgen Niclasen í september.
Nýggjastu sendingar í ÚV
Nýggjastu sendingar í SV