Arbeiðsgevarafelagið ikki so fegið um broytingar

Arbeiðsgevarafelag heldur, at stuðul til vinnuligt virksemi ikki er heppin og hevur ofta ótilætlaðar avleiðingar.

Í hesum føri kann miðlastuðulin seta óheftnið hjá miðlunum í vanda. Endamálið við broytingini í miðalstuðlinum er at gera journalistikkin betri.

Men Arbeiðsgevarafelagið ivast í, um broytingin ger tað. Søkjast skal, sambært lógarbroytingini, um stuðul til verkætlanir.  

Stuðulin í grannalondunum kannast fyrst

Arbeiðsgevarafelag sær ikki, hvussu verkætlanararbeiði skal styrkja redaktiónina hjá miðlunum. Og málið, sum verkætlanin er um, kann vera blivið óaktuelt, tá svarið um stuðul endiliga kemur.

Føroya arbeiðsgevarafelag heldur, at landsstýrismaðurin í mentamálum eigur at umhugsa at eftirmeta miðlastuðulsskipanina saman við miðlunum og kanna, hvussu miðlastuðulin í grannalondunum er skipaður.

Felagið heldur eisini, at miðlastuðulsnevndin, sum viðger umsóknirnar, eigur at vera óheft politiskt. Og umsitingin hjá miðlastuðlinum eigur í einum og øllum at vera óheft av umsitingini í Mentamálaráðnum.