Sálarfrøðingar í sjey økjum

Eitt uppskot um økissálarfrøði er komið í løgtingið.

Jóhannis Joensen, løgtingsmaður fyri Javnaðarflokkin, hevur uppskot til samtyktar um økissálarfrøði.

Mælt verður til at skipa Føroyar í sjey øki, har fastir sálarfrøðingar eru í einum økistoymi, sum skal fyribyrgja keðiligum gongdum í barnagørðum, skúlum og miðnámi.

Hetta arbeiðið kann gerast saman við skúlaheilsufrøðingum, kommunulæknum, Sernámi og førleikastovum í skúlum og dagstovnum, sigur Jóhannis Joensen.