Ein umsøkjari til sjey kommunulæknastørv

Bara ein umsøkjari er til tey sjey kommunulæknstørvini, sum vórðu lýst leys herfyri. 

Søkt er um annað starvið á Tvøroyri.

Í Norðoya læknadømi var eitt starv leyst at søkja. Í Suðuroyar læknadømi vóru trý størv leys at søkja, tvey á Tvøroyri og eitt í Vági. 

Í Skálafjarðar læknadømi vóru tvey størv leys at søkja, eitt í Runavík og eitt á Strondum, fyribils, tí arbeitt verður við at savna læknarnir í Skálafjarðar læknadømi í Heilsudeplinum í Runavík.

Og í Vestmanna læknadømi var eitt kommunulæknastarv leyst, tað er í Kollafirði.

Ymiskt er, hvussu nógv fólk eru knýtt at viðtalunum. Tey eru 1.000 í Vági og 1.750 í Klaksvík.