Trygd 12,5 milliónir í avlopi

Tryggingarfelagið Trygd hevði 12,5 milliónir krónur í avlopi fyri skatt í fjør. Eftir skatt var úrslitið 10,2 milliónir krónur. Úrslitið í 2019 var 14,5 milliónir krónur.

Skaðaendurgjøldini vóru annars 15 milliónir krónur størri í fjør enn í 2019. Í 2019 vóru endurgjøldini 69 milliónir krónur Tey vóru 84 milliónir krónur í fjør.

Fyrst í mars í fjør vórðu næstan 300 fráboðanir um illveðursskaðar. Eisini hava avlýstar uttanlandsferðir kostað nógv endurgjøld.