Niels Áki og Anna Kristina stinnast

Niels Áki Mørk og Anna Kristina Niclasen vóru stinnastu lyftararnir, tá FM-kappingin í olympiskari vektlyfting var í Tvørmegi leygardagin.

Eisini vórðu 11 met sett

Tríggjar kvinnur tóku lut í kappingini. Maibrit Reynheim Petersen fekk annað plássið, og Erna Krett Hansen endaði nummar trý.

Hjá monnum vóru átta luttakarar, og tað vóru Niels Áki Mørk, Leif á Bøgarði og vinnarin í fjør, Rudi Persson, sum kappaðust um 1. plássið.

Leif á Bøgarði lyfti mest í trekk - 93 kilo - og mest í vend og stoyt - 121 - men lutfalsliga lyfti Niels Áki Mørk betur og gjørdist sostatt annar FM-vinnarin í Føroyum. 

Rudi Persson mátti taka til takkar við triðja plássinum.