Løgmaður letur upp fyri at fáa utlendingar út fyrr

Tað er sjálvandi ein spurningur um man letur upp fyri endurgjaldskrøvum, men samgongan hevur verið sinnað til at fara inn og viðgerða spurningin um man kann flyta dagfestingina fyri, nær útlendingar skulu vera úti úr føroyskari fiskivinnu. Tað segði Bárður á Steig Nielsen í Breddanum í dag. 

Bárður á Steig Nielsen, løgmaður og Aksel V. Johannesen, formaður í Javnaðarflokkinum, vóru í kjaki í Breddanum í dag, um útlendingar í føroyskari fiskivinnu, eftir sendingina Teir Ómettiligu 2, sum varð send í sjónvarpinum í gjárkvøldið. 

Aksel V. Johannesen vísti millum annað á, at undanfarna samgonga hevði sett evsta mark til 2023 og 2024, men hendan samgongan flutti tað markið til 2032. 
Løgmaður greiddi tó frá, at í royndini at fáa eina breiða politiska semju um uppskotið um veiðigjøld, sum er ávegis í tingið, hevur samgongan latið upp fyri møguleikanum at viðgera spurningin um útlendingar í fiskivinnuni, eftir ynski frá andstøðuni. 

- Tað var samgongan áhugað í at fara inn at viðgera, so vit skulu ikki útiloka, at tað ber til at gera tað, segði løgmaður millum annað. 

Breddin kann hoyrast á hesari leinkju. Kjakið er síðst í sendingini  https://kvf.fo/breddin?sid=122553