Ullardagurin eisini hildin í Føroyum

Evropeiskur ullardagur er í dag, tann fyrsti av slagnum. Dagurin verður eisini hildin í Føroyum. Búnaðarstovan er við í ullardegnum.

Nakrar kvinnur hittast har at nappa, karða og spinna í dag, og høvi er hjá fólki at koma inn á Búnaðarstovuna millum klokkan tvey og fýra seinnapartin. 

Og Búnaðarstovan hevur ein film um føroyska seyðin og ullina. Meira kann lesast um ullardagin á heimasíðuni hjá Búnaðarstovuni, bst.fo