Kvinna í rúsevnismálinum latin leys

Unga kvinnan, sum í mars varð varðhaldsfongslað í fýra vikur, til 13.apríl, varð latin leys 8.apríl.

Politiið hevur ikki brúk fyri at hava hana varðhaldsfongslaða longur, verður sagt haðani.

Kvinnan, sum er yngri enn 20 ár, er tikin í sambandi við stóra rúsevnismálið, sum byrjaði í januar.

15 fólk varðhaldsfongslað

Í løtuni hevur politiið 15 fólk í varðhaldi í Føroyum og í Danmark. Talan er um stóra rúsevnismálið og um onnur mál.

So nógv hava helst ongantíð verið í varðhaldi í senn, sigur Heri Andreassen, leiðari á Kanningardeildini hjá politinum.