Træseglskip fáa koronustuðul

Ein meiriluti í fíggjarnevndini mælti til at víðka uppskotið um koronustuðul til almannagagnligar felagsskapir og áhugafeløg.

Hetta fyri, at træseglskip, sum ikki eru kommunal ogn, og sum ikki verða rikin á vinnuligum grundarlag, eisini skulu fáa koronustuðul.

Løgtingið játtaði tískil 300.000 krónur til stuðul til træseglskip, "sum eru  partur av mentanararvi føroyinga, og hvørs virksemi er minkað munandi vegna støðuna í ferðavinnuni í sambandi við koronu", sum fíggjarnevndin orðar seg.