Leigubústaðir fáa meirvirðisgjaldið aftur

Tey, sum byggja ella umbyggja bygningar til leigubústaðir, kunnu fáa alt meirvirðisgjaldið aftur.

Tey skulu gjalda meirvirðisgjald, men kunnu so søkja um at fáa tað endurgoldið.

Kunngerðin, sum sigur, hvussu berast skal at, er lýst og komin í gildi.

Hon fer úr gildi aftur 1.januar 2026.    

Ymsar treytir eru. 

Statsautoriseraður, skrásettur ella løggildur grannskoðari skal góðkenna fíggjarætlan og kostnaðarætlan og staðfesta, hvussu stórt meirvirðisgjaldið er.

Kommunan, har sum bygt verður, skal vátta, at alt er í lagi, millum annað upplýsa, hvussu nógvar bústaðir, fólk í koyristóli kunnu brúka.