Innflutningurin minkaður hálva milliard

Innflutningurin minkaði hálva milliard frá apríl 2020 til mars í ár. Tá varð innflutt fyri 8,1 milliardir krónur, sum er meira enn hálva milliard sama tíðarskeið árið fyri.

Verða skip og brennievni ikki tikin við, minkaði innflutningurin 88 milliónir krónur, ið svarar til 1,1 prosent, sigur Hagstovan.

Skipainnflutningurin er minkaður við 450 milliónum krónum, og vit hava eisini brúkt 338 milliónir krónur minni til brennievni, serliga tí brennievni hevur verið bíligt.

Tað, sum er innflutt til beinleiðis húsarhaldsnýtslu, er frá apríl í fjør til mars í ár vaksið við 200 milliónum krónum, -ið svarar til 12 prosent.