Varðin byggir bústaðir

Tað er stóra reiðaríið Varðin í Gøtu, sum tryggjar verkætlanina fíggjarliga. Men møguliga koma aðrir íleggjarar við eisini.

– Enn er ov tíðliga at siga nakað um, hvat verkætlanin fer at kosta og hvør leiguprísurin fyri íbúðirnar verður, sigur Bogi Jacobsen, stjóri í Varðanum.

Umframt Varðan eru eisini Bústaðir og Henning Larsen arkitektar við í verkætlanini, har fyritøkan Búsetur skal byggja íbúðirnar. 

Andrass Róin, stjóri í Bústøðum, vil enn ikki siga við vissu, hvussu tað verður við bíðilistum og húsaleiguni. 

 – Áhugin fyri íbúðunum hevur verið stórur, sigur Per Martin Gregersen, borgarstjóri í Eysturkommunu.