- Tíðindi, mentan og ítróttur
Kunnu ikki gera makaskifti um Stórutjørn
Kunnu ikki gera makaskifti um Stórutjørn
Samráðingar eru enn millum landið og Tórshavnar kommunu um Hoydalar
Landið og kommunan samráðast um avtalu um makaskifti, so landið fær Venjingarskúlan og kommunan Hoydalar
02.06.2021 - 09:00
Tórshavnar kommuna og landið kunnu ikki gera makaskifti um lendi við Stórutjørn.
Uppskotið var, at kommunan læt landinum sín part av Venjingarskúlanum og fekk eitt øki við Stórutjørn afturfyri.
Men tað ber ikki til, sigur Búnaðarstovan, sum umsitur landsjørðina.
Tórshavnar kommuna eigur 40 prosent av Venjingarskúlanum.
Jenis av Rana, landsstýrismaður, hevur svarað Anniku Olsen, løgtingskvinnu, sum spurdi um ognirnar hjá landinum í Hoydølum.
Samráðast enn
Hann svarar, at samráðingar eru enn millum Tórshavnar kommunu og Uttanríkis- og Mentamálaráðið um ognirnar í Hoydølum.
Og landsstýrið hevur ikki aðrar ítøkiligar ætlanir um Hoydalar enn tað virksemi, sum longu er har.
Er kopiera
Nýggjastu sendingar í ÚV
Nýggjastu sendingar í SV
