Kappróður verður uttan áskoðarar

FM-kappróður verður á Skálafjørðinum  leygardagin. Tað boðar Rórðrarsamband Føroya frá. 

Men tað verður uttan áskoðarar.

 - Vit klára ikki at smittuspora, sigur Annika Dalsgarð, forkvinna í RSF.

Fyrsti FM-róðurin, sum skuldi vera á norðoyastevnu 5. juni, varð útsettur orsaka av nýggjum koronuútbrotið og tilmælum, sum fylgdu við frá myndugleikunum, men seinnapartin komu nýggj tilmæli, sum loyva ítróttartiltøkum undir skipaðum viðurskiftum.

Tí hevur Róðrarsambandið gjørt av at hava kappróðurin leygardagin. 

Arbeitt verður við at finna eina loysn, so norðoyastevnuróðurin kann rógvast, men sambart Anniku Dalsgarð er eingin avgerð tikin enn.