HB skal til Ungarn

Um HB vinnur Champions League-undankappingina í Albania seinni í hesum mánaðinum, skulu føroysku meistararnir spæla ímóti Ferencváros úr Ungarn í 1. umfari.

Tað er greitt eftir lutakastið fyri løtu síðan.

Í undankappingini, har fýra feløg eru við, skal HB spæla hálvfinalu ímóti Inter Club d'Escaldes úr Andorra, har navnframi Ildefons Lima spælir. 

Í hinari hálvfinaluni spæla Folgore úr San Marino og Prishtina úr Kosovo. Síðan spæla vinnararnir finalu.

Møguligu dystirnir ímóti Ferencváros verða spældir 6/7 og 13/14 Juli.

Um HB ikki megnar at spæla seg víðari úr undankappingini, skal felagið spæla í nýggju UEFA-kappingini, Conference League.