Útivallarmál skulu ikki longur telja eyka

Næsta kappingarár verður tað einki, sum fer at eita útivallarmál. 

UEFA hevur gjørt av at strika regluna um útivallarmál í evropiskum fótbólti.

Reglan um, at liðið, sum skjeyt flest mál á útivølli í dystum í evropiskum kappingum, eitt nú Champions League, slapp víðari, um bæði liðini skutu eins nógv mál, varð sett í gildi í 1965. Ætlanin var at eggja liðum eisini at leypa á, tá tey spældu á útivøllin í evropiskum kappingum. 

Umdystur í staðin 

Skipanin kemur í gildi næsta kappingarár, 2021/2022, boðaði UEFA frá í gjárkvøldið.

Eftir nýggju reglunum skal umdystur vera, um tvey lið hava skorað eins nógv mál, uttan mun til, um tað er á heimavølli, ella á útivølli. Tá skal leikast tvær ferðir 15 minuttir, og stendur framvegis á jøvnum, skal dysturin avgerast við brotsspørkum.