Svenski forsætisráðharrin leggur frá sær

Svenski forsætisráðharrin Stefan Løfven leggur frá sær.

Tað gjørdi kunngjørdi hann á tíðindafundi fyrrapartin, eftir ein meiriluti í svenska parlamentinum atkvøddi fyri einum misáliti á Løfven fyri viku síðan.

Løfven hevur tó ikki útskrivað nýval.

Ikki útskrivað val

Løfven vísti á tíðindafundinum á øll tey tingini stjórnin hevði avrika síðstu árini, og vísti á, at landsins besta altíð má koma fyrst, og at val í úrtíð ikki var tað besta, sum støðan er nú.

Nú verður farið til eitt formansumfarð har formaðurin í svenska parlamentinum skal útnevna ein samráðingarleiðara til at skipa nýggja stjórn.

Bjóðar seg sjálvan fram

Hóast Løfven nú hevur lagt frá sær, er hann tó til reiðar at standa á odda fyri einari nýggjari stjórn, gjørdi hann greitt.

Fyri at skipa nýggja stjórn krevst, at 175 av teimum 349 parlamentslimunum ikki atkvøða ímóti nýggja forsætisráðharranum.

181 parlamentslimir atkvøddu fyri misálitinum á Stefan Løfven.