Premier League-spælari undir illgruna fyri ágang móti børnum

BBC skrivar í dag á heimasíðuni, at ein Premier League-spælari varð handtikin, tí hann er undir illgruna, fyri ágang móti børnum. 

Talan skal vera um ein 31 ára gamlan mann, sum enn ikki er navngivin, ið varð handtikin fríggjadagin av løgregluni í Greater Manchester. 

Fráboðanin frá Greater Manchester-løgregluni ljóðaði: "Officers arrested a 31-year-old man on Friday 16 July 2021 on suspicion of child sex offences. He is on police bail pending further enquiries."

Spælarin er leyslatin móti veðhaldi, men skal vera tøkur til fleiri avhoyringar og kanningar. 

Fleiri bretskir miðlar skriva, at felagið hjá leikaranum hevur váttað, at viðkomandi er leikabannaður av felagnum, og at felagið stuðlar myndugleikunum í kanningararbeiðinum. Annars hevur felagið ikki fleiri viðmerkingar.