Boða nú eisini frá koronusmittu í sms-boðum

bannari
Boða nú eisini frá koronusmittu í sms-boðum
Tað er umráðandi, at fólk fáa boð skjótast gjørligt, tá koronukanningin er positiv, sigur Sjúkrahúsverkið
Nú verður eisini sagt frá í sms-boðum, um kanningin er positiv.
Mynd: Bjarni Árting Rubeksen  
 
09.11.2021 - 13:56

Hevur tú latið teg kannað fyri koronu á einum av kanningarstøðunum hjá Sjúkrahúsverkinum, fært tú nú eisini sms-boð, um úrslitið er positivt.

Tað boðar Sjúkrahúsverkið frá í dag.

Sagt verður í tíðindaskrivi, at tað er umráðandi, at fólk fáa boð skjótast gjørligt, tá koronukanningin er positiv.

Tí hevur Sjúkrahúsverkið í samráð við Landslæknaembætið gjørt tillagingar í bókingarskipanini soleiðis, at fólk, sum eru kannað positiv fyri koronu, fáa boð beinanvegin, tá kanningarúrslitini eru klár.

Fingu boð frá Landslæknanum

Fyrr hevur mannagongdin verið tann, at tey smittaðu fingu boð, tá Landslæknin setti seg í samband við tey. Nú smittutølini hava sett met, hevur tað tikið longri tíð hjá Landslækanum at fáa fatur á øllum.

Í boðunum frá Sjúkrahúsverkinum stendur úrslitið av kanningini, og at fólk verða biðin um at fara í sóttarhald. Landslæknin setur seg framvegis í samband við tey, ið eru smittað, við nærri kunning og leiðbeining.

Umframt at fáa sms-boð, verður ein váttan eisini send í telduposti.

 

Tillagingar eru gjørdar í bókingarskipanini soleiðis, at fólk, sum eru kannað positiv fyri koronu, fáa boð beinanvegin, tá kanningarúrslitini eru klár.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592