Norðmenn fáa tilboð um triðja prikið

Allir norðmenn, sum eru eldri enn 18 ár, fáa tilboð um at fáa triðja prikið fyri koronu.

Tað upplýsir norska stjórnin, sum hevur havt tíðindafund í dag.

Koronusmittan setur met í Tromsø, Tróndheimi og Oslo, og stjórnin fylgir gongdini gjølla, sigur Jonas Gahr Støre, forsætisráðharri.

Norsku myndugleikarnir eru til reiðar at koppseta triðju ferð, men teir hava bíðað eftir boðum frá stjórnini.

Higartil hava allir norðmenn, sum eru eldri enn 65 ár, fingið tilboð um triðja prikið, og heilsustarvsfólk standa nú fyri tørni.

Sambært stjórnini verður tilboðið um triðju koppsetingina víðkað til øll, sum eru eldri enn 18 ár.